Regoeta de testimonianzes su fenomegn di parapsicologia, che veit desche protagonista e informador Luigi Piccoljori da Dèlba (Gige de la Zeli da Dèlba) e la mère. I curc toc, do componui en forma scrita del 1973 da la femena Veronica, i é leé ai segnèi, i presagi leé a desgrazies o a la mort, desche la Cùgola, la Gocia, l Punchie, la Mort che grigna, la Bèra e l Martel.

Autor: Veronika Zanoner Piccoliori

Editor: Grop Ladin da Moena

La publicazion compagna la mostra dedichèda a Tita Pederiva a 30 egn da sia departida.

L era debesegn che Tita Pederiva vegne recordà, te chisc tempes da la “memoria curta”, olache dut vegn desmentià te n medeat, e olache l profit e l belfestidech à la soramessa sui valores più fogn de l’umanità. L é ben vera che n artist “l seghita a viver te sia operes”, ma ge vel pa ence che zachei rencure e valorisee chesta arpejon, che à da jir inant tel temp al ben de la generazions che vegn do ca. Vegn documentà no demò l percors del artist, ma soraldut la dimenscion più intima del om, sia ènema jentila e sensibola, n om che à sapù responer co l’èrt a la endesfides de la vita.

A cura de: Fernando Brunel

Editor: Union di Ladins de Fascia

ISBN: 978-88-942835-5-7

Na curta publicazion rencurèda da père frumenzio Ghetta che revèrda la gejia sun Ciaslir de Sènt’Uiana, patrona di fascegn. L liber prejenta na documentazion rica en cont de la storia de la gejia, con enrescides tant sui depenc a fresch, su la statues, la pèles de utèr e duta l’autra operes. Vegn lascià lèrga ence a la Ciampenes (che amò anchecondì vegn sonèdes dai omegn), l capitel de Sènt’Uiana e la capela de S. Moriz.

Autor: p. Frumenzio Ghetta

Editor: Pluristamp, Istitut Cultural Ladin

An edizion: 1994

N liber per recordèr e rengrazièr l maester Zerilo Bora, emportanta personalità de la comunanza de Moena. L maester l’à vivù e cognosciù n secol senester, te chel che l’à seghità a meter a leta per sie paìsc sia profescionalità e esperienzà, sostegnan l percors artistich di joegn del post. Om giust e de gran equilibrie e moralità, bon de capir che l’educazion e la formazion l’é i aspec fondamentai per fèr crescer na comunanza. L liber l’é na regoeta de documenc e testimonianzes per l recordèr e rengrazièr. Moena, con chest liber, vel ge recognoscer a chesta fegura sie gran empegn per la medema comunanza.

A cura de: Chiocchetti F., Zorzi A.

Editor: Comun de Moena, Union di Ladins de Fascia - Grop ladin da Moena

ISBN: 978-88-942834-1-9

L vadagn sul liber l é jit a corir la speises de restaure del relief de la Scola del Zerilo sora usc de calonia de Moena. N dajon cont chiò!

I depenc che se troa te chest liber somea dalbon imprescions o sensazions de l'artist dedant a la grana e superba natura de sia tera. Brunel (Soraga, 1948) l doura desvaliva tecniches, dai colores a èga, a chi a elech, a la temperes. L’artist l depenc con n stel ló che l color vegn metù jù a taces, con forc contrasć e vigni depent é compagnà dai scric, en prosa o en poejìa, de desvalives autores ladins.

Autor: Brunel Fernando