Chest volum l tol ite i scric ladins de Berto de la Diomira componui anter l 1964 e l 1976, che i é stac publiché su Nosha Jent, l boletin del Grop Ladin da Moena. Se trata de curta stories e recorc del passà, descrizions de atività e usanzes de la vita tradizionèla, e no da chièr reflescions sul encresciadujum, desche canche l Autor l é obligà a viver dalonc dal sie paisc.

Autor: Alberto Sommavilla

Editor: Grop Ladin da Moena

Chest liber l é l’opera pruma de n joen scritor che pesćia de pien da la tradizion per contèr del dì d’anché, e che se mesura zenza bazilèr co la gran arpejon del passà per portèr dant na riflescion sotila sul raport anter la generazions tedant dal jir del Temp.

Autor: Armin Chiocchetti

Editor: Union di Ladins de Fascia, Grop Ladin da Moena e Istitut Cultural Ladin

L liber à peà via da na idea de la coprativa sozièla INOUT e l’é stat scrit dai trei joegn autores (Stefano Riz, Tita Dorich e Thomas Zulian) e dat fora col finanziament del Pian de politica linguistica del CGF e l contribut del Bim Adesc. L se ouc ai bec di ultimes egn de la scola populèra e de la mesènes con 6 contìes che rejona de ambient tras la aventures de 3 protagonisć che i se troa dedant a desvaliva costions ecologiches.

Mary Jane l’é na tousa de dejesset egn che la vif a Cianacei, sun Col da Ronch, te mez a la Dolomites te un di paesajes più bie de la Tèlia e del mond. Ciapèda da la scola, da la danza e da sie morojo Francesch, la joena se enjigna a viver un di egn più segnificatives de sia vita, chel da conscrita. A la fin de un dì de scola normal, aboncont, Mary Jane la se troa fora de n bel nia serèda da ite, oblighèda a na vita de perjon anter i mures de sia cèsa: endèna la pandemìa per l Covid-19 defat, la tousa vivarà la esperienza complichèda del lockdown dessema a sia familia. Sarà piates scures e senestres, fates ampò ence da la descuerta de valores emportanc e de n spirit nef, enlongia la strèda per la neva, malsegura, ledeza.

Mary Jane è una ragazza diciassettenne che vive a Canazei, val di Fassa, circondata dalle Dolomiti in uno dei paesaggi più incantevoli dell’Italia e del mondo. Impegnata nella scuola, nella danza e con il suo ragazzo Francesco, la giovane si prepara ad affrontare un anno molto significativo della sua vita, quello della maggiore età. Dopo una delle solite giornate di scuola, tuttavia, Mary Jane si trova improvvisamente segregata in casa, obbligata a una vita di prigionia tra le mura della sua abitazione: in piena pandemia da Covid-19 infatti, la ragazza vivrà la complicata esperienza del lockdown assieme alla sua famiglia. Saranno pagine buie e difficili, condite però anche da una nuova presa di coscienza e dalla riscoperta di valori importanti sulla strada per la nuova, precaria, libertà.

Autores: Sebastiano Dorich, Valentina Ghetta, Matteo Iori, Mauro Lazzer, Alison Prinoth, Nicoletta Riz, Stefano Riz, Consuelo Tomasi, Luana Tomasi, Daniele Verra

Soracuerta: Stefano de Pinto, Ismaele Soraperra

N belot liber per bec che conta de na pìcola stria che l’à bele demò 127 egn e donca la é amò massa joena per vegnir conscidrèda da la stries granes. Coscita la se tol dant de doventèr senoauter na bona stria. Aldò de chesta dezijion taca man n gran rebalton...

Autor: Otfried Preussler

Traduzion: Alessandra Dellantonio

L liber “Mia pruma paroles” nef, dut da color, de gran format (cm. 30x30) e de passa 120 piates, l’é stat pissà  per envièr via i pìcoi al plurilinguism e l tol ite ben 1000 paroles, per ladin e con sia traduzion per talian, per todesch e per ingleis, dutes dessegnèdes te 60 gregn chèdres che raprejenta lesc e contesć desferenc de noscia vita.

L liber, realisà da l’Istitut Ladin Micurà de Rü e da l’Union di Ladins de la Val Badia, l’é vegnù fora ence te na verscion fascèna e l'é dat fora da l’Union di Ladins e da la Scola Ladina de Fascia, col sostegn de la Region Trentin Sudtirol e la colaborazion de l’Istitut Cultural Ladin.

Autora: Sara Moling

Dessegnes: Gabi Mutschlechner

Diesc pìcola contìes scrites e dessegnèdes da Maria Teresa Fanton Crepaz da Poza, ensegnanta de todesch en penscion. Stories dassen gustégoles, per pìcoi e per gregn, leèdes al temp de Nadèl ma che à ite ence valores universèi e da inchecondì, che va sorafora la festa religiousa. Enjontà al liber l'é ence n Cd co la contìes letes jù a più oujes. Anter Angiolino e Salvatore l letor, ben segur, no l farà fadìa a restèr maraveà...

Autore: Maria Teresa Fanton Crepaz