SPEZIAL Nosha Jent - Storia de n retrat

Desche presidenta del Grop ladin da Moena, son contenta de prejentar ai letores de “Nosha Jent” chest numer spezial, che ge va dò a na tradizion enviada via oramai da n bon trat de temp. Spere che ence nösc afezionè letores tole sù con enteress e marevea sta storia straneosa, contada con gran capazità e braùra da Giorgio Jellici del Garber, che à passà na vita entrea fora per l mondo zen- za mai desmentiar rove raìsc ladine. 

Te sti tempes, olache conta l far, l corer, l viver frenetich de na vita fata de valores materiai, l passà par che fosse valch più da desmentiar che da recordar, come se chel che l’é stat fat per nosc ben e per nosc benesser no l conte nia, e chest l’é n gran pecià.

Rejonar con chi che à vivù inant da noi, l’é na “grazia” e na oportunità che no duc i à: l portar al luster recorc e fac da nossacan l’é n valor e n bel segn de respet per la jent d’età, che à n gran besogn de trasmeter e passar l testamonech a le jovene generazion. No i speta auter de poder contar e aver valgugn che i li scoite. 

Giorgio no à perdù chesta ocajion e con so curgiosità e gaissa de ricercator e “reporter”, che jà aon vedù te le enrescide su la storia de Richard Loewy e de so ameda Valeria, el ne recorda che ogni vita la é preziosa e ricia, percheche la lascia na pedia speziala, che segna l troi per chi che vegn dò. 

A noi, ruar a l capir. 

Moena, ai 23 de mè 2022  - Angela del Goti 

Giorgio Jellici del Garber - Storia de n retrat / Il viso delle spose del Tinoto Garber

© Grop Ladin da Moena, 2022
Numer spezial de “Nosha Jent”, n. 2, Jugn 2022

Reduzion de l’Autor da: Giorgio Jellici, Nove racconti. Trentino e oltre - Edizioni Stella, Rovereto 2007 (pp. 86-102)

Traslatà da: Marcelin Chiocchetti Cenchen

A cura de: Fabio Chiocchetti del Goti