Èrt, letradura e Törggelen te la Val Badia
L an passà la sociazion aea portà na trentina de persones a Persenon e Neustift do la pedies del prum e soul prinz vescof ladin Daniel Zen: la scomenzadiva era stata dassen aprijièda e aane emprometù de endrezèr amò giornèdes de chesta sort. Belimpont ence chest uton ve porton dant na raida per descorir vèlch melaur, enst’outa te la Val Badia.
En domenia ai 13 de november se pea via da les 9:15 da Sèn Jan e se rua entorn les 11:00 a Ciaminades de Pedraces. Chiò l program perveit n confront te atelier su l’èrt e la poejia con la poeta de nonzech Roberta Dapunt e con sie om, l scultor internazionèl Lois Anvidalfarei. Da marena n bon bèst da paur lo dal Lüch de Survisc a Cians, La Val.
Do marena via, anter i colores più bie de la natura da d’uton, na raida sorida vidé dal president Fernando Brunel enscin a la gejia de Sènta Berbola, sora su l paisc de La Val. Entorn les 16:30 se é da nef lo dal mèsc de Survisc per n bon Törggelen e do se vegnarà de retorn te Fascia.
Ence per chesta dì i posć é limité e i enteressé cogn se resservèr l post a l’Union di Ladins de Fascia dant da en lunesc ai 7 de november (tel 0462 764545). L cost per chesta raida l é de €50,00 a persona e l tol ite trasport e magnadiva.
Chisc l é i apuntamenc de la sociazion per la pruma doi setemènes de november. Ve contaron prest de autra bela neves... endèna ve speton per chisc doi momenc!