Pelegrinaje forin Baissiston

En domenia ai 22 de mé la parochies de Fascia endreza l pelegrinaje tradizional de duta la val a la Madona de Baissiston. L program perveit da les 12.00 la messa grana e da les 14.30 la corona.

Don Andrea e don Mario envia duc a jir forin Baissiston a preèr la Madona di Dolor, en particolèr la families di bec che à fat la Pruma Comunion e cheles coi bec che se enjigna a fèr la Creisema chest an e che l à fata l an passà. I bec e i joegn animarà la corona.

L’Union di Ladins de Fascia fèsc la Via Crucis ladina e la envia duc chi che vel se jontèr ite!

Se se troa da les 10.00 al Masc Kehr fora Neva Todescia. Chi che vel aer maor informazions i pel chiamèr te senta de l’Union di Ladins a Sèn Jan al numer 0462 764545.