Pelegrinaje a Oies

L’Union Generela di Ladins dla Dolomites, adum a la Union di Ladins de Gherdena, met a jir ence chest an l tradizionèl apuntament col pelegrinaje de Oies, en domenia ai 15 de setember. Chest l é l diejem an che l vegn endrezà a roda anter duta la Unions de valèda. L program perveit de se troèr da les 14:30 tedant la gejia de Badia a San Linert olache vegn dat fora i librec »Sant Ujöp Freinademetz, na orazion su l iade«, vegn fat n moment de recort sun fossa de la presidenta onorara Hilda Pizzinini e entorn les 15:00 se pea via en procescion do l troi de la stazions. Da les 16:00 vegn dit messa ladina tel santuarie de Oies dal decan de Gherdena Sn. Vijo Pitscheider col compagnament del cor Ex-Helios de Ortijei.

L’Union di Ladins de Fascia é a la leta per endrezèr l trasport. I enteressé cogn chiamèr l 0462 764545 dant dai 6 de setember che coscita la sociazion pel dezider se prenotèr la coriera.