L ladin rua su Spotify!
L’Union di Ladins de Fascia porta dant su la ones de Radio Studio Record ogne dì neves programes radio. A pontèr via da les 7:30 dadoman, ogne dì, col Bel Bondì Ladin de Monica Cigolla, i é tropes i etres apuntamenc rencuré da la sociazion ladina, che rejona de musega, cojina, storia e cultura populèra. Chest istà ge é stat jontà al palinsest ladin trei neves apuntamenc: Zeche de curious de Jan Dellantonio con recenjions de film, series tv e libres, Piroles de turism e la neves dal Socors da mont de Fascia, duc e doi porté dant da Alison Prinoth.
Duc chisc programes i é da troèr sul sit Internet de la sociazion te la sezion resservèrda a la radio, ma ence en format podcast su Spotify, una de la aplicazions più cognosciudes a livel global per l streaming de musega. Ve envion a scutèr su i programes tras i qr code che troède chiò apede!
La Usc 38 del 2022
