Che völelo dir per te “Nosha Jent”?

L Grop Ladin da Moena endreza n concors dal titol “Nosha Jent”. L fin del concors, pensà en ocajion dei 60 egn del Grop, l é de binar su pensieres, poesie, dessegnes e foto che palesa l significat de le parole “Nosha Jent”. L é avert ai gregn e ai tosac de le scole: vegnirà fat doi categorie, vegnirà premià i laores più originai e duc i partezipanc i ciaperà n recort.

Per tor part se cogn pensar a la domana: che völelo dir per te “Nosha Jent”?
Se pol responer con n dessegn, na foto, na poesia o n pensier.

  • metelo te na soracuerta con so descrizion ensema a una più picola serada con int to inom, età, direzion e numer de fonin.

  • portela o manela te ofize de l’Union di Ladins o lascela te la casseta de la posta de Angela del Goti dant dai 31 de mè 2024.

  • tu pode domanar più informazionai numeres 340 2353361 o 0462 764545.

Union Ladins de Fascia