Cern ence tu n don ladin
L’Union di Ladins de Fascia à endrezà n’azion de rebas che va inant per dut l meis de dezember. Su duta la publicazions vegn fat n rebas del 20% e se pel tor la colèna de ‘L Dragonzel’ a n cost spezièl de € 20,00.
L rebas del 20% vegn conscidrà sun dut l materièl che l’Union à dat fora chisc egn: materièl storich e multimedièl, contìes e recorc da zacan. Anter la publicazions più aprijièdes che pel esser n bel pensier per nesc picoi da Sèn Nicolò o da Nadèl l’é ‘Picole lum da Nadal’, ma ence ‘Pinocchio’, la Patofies de Scedola e l’ultim vegnù fora ‘Mans da Tera’. ‘Mie istà sun Tamion’ e ‘Na gejia e n pugn de ciase’ l’é doi publicazions dassen fora de anter, che recorda e che viaja tel passà. N don dassen spezièl per Nadèl l’é ence i trei libres de ‘A spas per la Ladinia’ de Fernando Brunel.
Per prejentèr l nef liber de Armin Chiocchetti ‘L Segnor de Dolèda e autre contìe’, numer cinch de la colèna de libres ‘L Dragonzel’ data fora en colaborazion con l’Istitut cultural ladin, vegn fat n priesc dassen da no se perder! La colèna, che tol ite apede a chest nef titol ‘La storia vera del Drach de Dona’, ‘Misteres’, ‘Chi él che à tema del Varvarel?’ e ‘L secret de Briga Andedios’, la vegn venuda duta ensema a 20 euro.
Da Sèn Nicolò o da Nadèl per descorir noscia publicazions e fèr ence tu n ‘don ladin’ te envion a vegnir te senta, tolan apuntament al 0462/764545.
Nicoletta Riz