Ai 10 de otober del 1998 a Cianacei
En chela dì ge é stat dat n recognosciment ai gropes de folclor. Per l’ocajion l’é stat ence endrezà en colaborazion con l Grop de Folclor de Cianacei, Dèlba, Penìa e Grìes, l Comun de Cianacei e la Union Generela di Ladins dla Dolomites la seconda scontrèda di gropes da bal de la Ladinia. Da les 9:00 se é peé via da Piaz Marconi con la defilèda con la Musega da Moena e i gropes de folclor. Da les 9:30 l’é stat ofizià te gejia del Sacro Cher la messa graza da don Luigi Trottner. Dò messa te pavion del parch di jeghes l’é stat l conzert de la Musega de Moena, l’é stat l salut e la relazion del president de l’Union di Ladins de Fascia Antone Pollam e i saluc e i entervenc de la autoritèdes. Da les 15:00 te Chino Marmolèda l’é stat l recognosciment a duc i Gropes de folclor de Fascia e l’ejibizion di Gropes da bal de la Ladinia. Da les 20:00 aló da l’Hotel Astoria l’é stat endrezà la cena e l bal, per duc chi che volea se enscinuèr
