Ai 13 de otober del 1996 a Ciampedel
Ai 12 e 13 de otober del 1996 l’é stat endrezà la festa da d’uton de l’Union di Ladins de Fascia a Ciampedel.
La se à vert en sabeda ai 12 de otober te sala de comun co na mostra dal titol “L’èrt, n lingaz de l’om” ajache chest an la é stata dedichèda apontin a l’èrt e olache à tout pèrt passa 40 artisć. la festa é jita inant co na bona speisa da zacan e co la musega di “Gader Echo”.
La domenia l’é stat dit messa te gejia de Ciampedel da don Tito e dò messa se à podù scutèr de bela sonèdes de la Musega da Vich ensema ai descors de la autoritèdes Serafino Lazzer ombolt de Ciampedel, la presidenta de l’Union Generèla Ilda Pizzinini, l deputat Bepe Detomas, l conseier ladin Carl Willeit e l president de l’Union di Ladins de Fascia Tone Polam.
