Zerilo dell’Antonio Bora (27.10.1876 – 07.06.1971)
Cirillo dell’Antonio Zerilo Bora l é nasciù a Moena ai 27 de otober del 1876. De 16 egn l é jit a Ortijei per emparèr l’èrt de entaèr. Do l à lurà desche maester scultor e del 1904 l é doventà maester de scola de entaadura de Bad Warmbrunn te la Slesia, encèria che l à tegnù per 18 egn alalongia.
Del 1925 l é stat envià dal goern de la Germania a l’Esposizion d’èrt de Paris, la più emportanta del mond. Del 1937 l Minister de l’Industria e del Lurier ge à dat l titol de Meisterschule a la scola de entaadura.
Del 1946, chiamà dal ombolt de Moena, l à metù su la Scola d’èrt. Do aer ensegnà con gaissa e dedizion, del 1954 con la vertola che mencèa scioldi, la scola é stata serèda e Zerilo Dellantonio l é se n jit da nef te la Germania.
Del 1970 l à ciapà dal Goern Federèl Todesch la medaa de òr, a sotrissèr sia valor tel artejanat artistich. L é mort a 95 egn ai 7 de jugn del 1971. [Biografia touta fora dal Almanach 2013]
L’Union di Ladins - Grop da Moena e Comun de Moena à dat fora l liber dal titol “Cirillo dell’Antonio Bora e la Scuola d’arte di Moena. Documenti e testimonianze”, n volum de enrescida rencurà da Fabio Chiocchetti e Annalisa Zorzi per recordèr l artist e la valuta che l’à abù per la comunanza de Moena.