SAEESTE CHE... sun Ponta Grohmann l menacrep da Viena no l é mai ruà su?

SAEESTE CHE... sun Ponta Grohmann l menacrep da Viena no l é mai ruà su? Te Fascia l era ruà n menacrep da la Pustra, Michael Innerkofler, che l volea apontin arpizèr chesta piza. Anter duta chela pontes, Innerkofler l se à falà, jan su su la Torn Innerkofler. La dì do l se à rampeà su la ponta giusta, ge dajan l inom en onor del menacrep da Viena, Paul Grohmann.

Paul Grohmann, clas 1838, Viena, te la Dolomites l aprijièa bendechè Ciampedel con sia doi ostaries (Il Molino di Bernard e L’Agnello d’Oro di Valentini Soricia). El l vegn recordà te noscia valèdes per esser stat l prum a ruèr sun Ponta Penìa dessema con i menacrepes de Ampez, Angelo e Fulgenzio Dimai. Da les 10:37 dai 28 de setember del 1864 i trei à arjont la piza più auta de la Dolomites, sunsom Marmolèda. Del 1869, cinch egn do, l rua sunsom Saslench, l piz maor, ensema con Franz Innerkofler e Peter Salcher.