SAEESTE CHE... n soul ruf pel aer inomes desvalives?

SAEESTE CHE... n soul ruf pel aer inomes desvalives? Chest tant sozet belebon de spes, per ejempie, canche n ruf se peta te n lech e do l vegn fora da l’autra man, desche l Lech Garda con l Sarca che se peta ite e l Mincio che vegn fora. Ma ence ta Penìa aon n ruf che muda inom adertura 3 outes te sie cors de apresciapech 2000 metres!

Chest ruf l nasc sotju Fredarola, l passa ju anter Val verda e Mereac e per chest prum toch de 800 metres zirca i ge disc Ruf da mont.

Dapò sotju Col de Ciaraa l ciapa l inom de Ruf de Ciaraa per etres 800 metres zirca.

Tinultima l ultim toch da Dò Chiusel e ju enlongia ju la vila de Insom fin ja Pènt de Giaveisc, lo che dapodò l se peta te la Veisc, i ge disc Ruf de Penìa.