SAEESTE CHE... i ciavei da veiamenter en ca i é semper stac leé a cherdenzes misteriouses, magiches e simboliches?

SAEESTE CHE... i ciavei da veiamenter en ca i é semper stac leé a cherdenzes misteriouses, magiches e simboliches? I vegnia brujé o metui sot tera canche i resta tel petin, acioche no i posse vegnir duré per fatureces o strionamenc contra la persona.

Te Fascia, per ejempie, se cherdea che se te la tempesta se vedea ciavei, volea dir che l’era n’opera de la stries. Da l’autra man i ciavei vegnia conscidré desche n ben prezious: taé, i podea esser venui o duré per n fèr n toupet o trecia fintes. I ciavei vegnia ence conservé a outes per trategnir amò en familia na pèrt de la persona morta o ence duré per enjignèr chèdres-recort o adertura ornamenc per la persona.