SAEESTE CHE... la gejia de Sènt’Ugèna la é stata consacrèda dal Cardinal Nicolò Cusano?

Apontin del 1452 l Cardinal à consacrà “l cor ensema ai trei utères” (presentem Chorum unacum tribus altaribus). Chest tant vegn documentà te la bergamina che era stat troà tel utèr maor endèna i ultimes lurieres de restaure.

Nicolò Cusano (1401-1464) l é stat giurist, teologh, filosof, politich, matematich e astronom todesch, anteer i maores esponenc del Umaneisem european. L à studià a Heidelberg, a Padova e a Colonia. L é stat fat cardinal del 1448 e piscop a Persenon del 1450, l à portà inant la reforma de la disciplina e la cultura religiousa de la gejia, te la Germania e te sia diozesa.