SAEESTE CHE... Baissiston l é semper stat lech de pelegrinaje per i fascegn jà da tempes veiores?

Zacan i fascegn jia ogne an en pelegrinaje forin Baissiston da la Vijitazion de la Madona, ai 31 de mé. L percors vegnia fat dut a pe. Pèr che veioramenter chi da Dèlba e Penìa aesse fat n voto de jir a pe fin fora al Santuarie acioche fenesce la brojes di ultimes dis de jugn.

A Baissiston tropes fascegn, ma no demò, portèa dons, soraldut ex voto, per rengrazièr da na varijon, per esser soravivui a n azident, opura per aer otegnù zeche te n moment zis grief.

Baissiston somea sie stat ence n “Sanctuaire à Répit”, n lech olache i picoi popes morc dant del temp podea vegnir de retorn en vita l temp assà per esser batesé.

Informazions da: Vadagnini M., Mondo Ladino 42, 2018, pp. 47-49