Elisabetta Betty Sommavilla

Betty nasc a Ciampedel ai 17 de oril del 1932, quarta de 7 frèdes, fia de Filomena e Tita Spangler. La stèsc pech te val, per 5 egn la cogn stèr te sanatorie; dapò sul Lago Maggiore per egn la rencura n preve e do la ge stèsc apede a n’autra persona de età fin canche la mor.

La dezide de jir te l’Africa e la rua te na miscion tel Camerun olache la cognosc P. Hugo Rios, preve claretian cilen e dotor dai bec. Egn do la va te la R.D. del Congo vejin a Kinshasa, olache del 1989 la dotora Laura Perna à fondà l ospedèl pediatrich de Kimbondo col didament de P. Hugo. L é 300 picoi e serf sie aiut.

Fin del 2006 te Fascia no se sent trop de ela, ma la situazion é semper più grieva, i picioi é oramai passa 600 e “Maman Betty” la se ouc a sia val: “no aon più ris per nesc bec”! Tel medemo an la vegn te Fascia, la cognosc don Giuseppe Da Prà e l Grop mi- scionarie Freinademetz e Mato Grosso che i tol su de bie aiuc. De setember del 2009 la i scontra per l’ultima outa: la conta de la meseria, de sie lurier zenza rechia, la i envia a jir a veder chela realtà desperèda e inant de se n jir endò te l’Africa la racomana che Fascia se tole a cher chi picioi.

Ai 19 de jugn del 2010, de 78 egn, la mor cercenèda da si bec e la vegn sepolida aló. La ge lascia en ritajon a Fascia i bec de Kimbon- do e la val, con don Giuseppe e l Grop miscionarie, la i tol su: dal 2011 n muie de volontadives fascegn é jic lo a didèr e i seghita a sostegnir i projec de Kimbondo.