L'opera classica per bec de Carlo Lorenzini - Collodi la é stata traslatèda te sacontenc lengac e zacan ence per ladin. L'é na publicazion fata co la colaborazion de desvalives enc: l Comun General de Fascia, l'Union di Ladins de Fascia, l'Istitut Cultural Ladin Micurà de Rü (per la traduzion per gherdener e per badiot) e de l'Istitut Cultural Ladin Cèsa de Jan (per la traduzion per fodom).

Traduzions: Sara Merighi e Donatella Dellagiacoma

L’é n viac intimist ti troes de l’ènema sensibola e piena de amor de l’autor. Amor per la vita e ence per la tera ladina, n amor contà sotousc, te n bel acort che contrasta col biteboi de anchecondì... ló che no se sin veit mai assà. “Se te n’outa demò fossane bogn de esser, de viver, sentir, scutèr, lejer tel fon de chel che la Natura à scrit de sé enstessa con letres de òr, de Amor te noetres...”

Autor: Stefen Dell’Antonio Monech

Regoeta de contìes fantastiches per bec, olache realtà e fantajìa se encroja a na vida da portèr l letor te na dimenjion perturbanta.

Autora: Sofia Brigadoi

Traduzion: Alberta Rossi e Rosanna March

Contìa mitologica-fantastica. Con chest pìcol liber l’Istitut Cultural Ladin, en colaborazion co l’Union di Ladins de Fascia, inauda la neva colèna de libres de contìes “L Dragonzel”, dedichèda a la letradura ladina d’aldidanché. L’autor, Piere dal Polver (nesciugn sà dalbon chi che sie), l conta a na vida pizochenta e direta la vera storia de sie amich, l Drach Maht-urg, fort ma valent, sìmbol de l’onestà, de la giustizia e del respet per la natura.

Autor: Piere dal Polver

An 1532: na lingia de evenc misteriousc e de morts ariciouses met sotessora l convent di frati franzeschegn de la zità di Chambéry, olache, te la Sainte Chapelle, vegn conservà da passa 50 egn la Sènta Sindone. N frate, ruà aló ensema a l’armèda vegnuda de retorn da la crojèda contra i eretics valdeisc, l scomenza a cerir e enrescir fora, fin a descorir l’aricegol secret che se scon tedò la terìbola rodèna de oror, perdizion e sanch, che fona sia reijes te culc veiores e misteriousc.

Autor: Andrea Robbiani - Marco Scandolaro

Traduzion: Nadia Valeruz

Storia e cronaca de na tradizion e de na lejenda ladina: chest l’é l tìtol de na enrescida che Toni e Margrit cogn consegnèr a la fin del trimestre. Ma chi él che sà zeche en cont de lejendes? I doi a la fin i troa na gran bela soluzion, ma no i sà che colassù, ite per anter l bosch sorassù l paìsc, l’é zachei che ge cor dò...

Autor: Beatrice Masini

Traduzion: Lucia Gross

Regoeta de 22 contìes da Nadèl scrites ti egn dal 1982 al 1986, aldò de n concors endrezà dal Comun de Poza. La scomenzadiva, timpruma resservèda demò ai studenc de la scoles populères de Poza e de Pera e a la mesènes de Poza, dal 1984 la é averta ence ai etres istituc de la Val.

Autor: AA.VV.

A cura de: Lucia Gross e Monica Cigolla