L liber l regoi duta la produzion poetica de père Frumenzio, spartida te cinch sezions che corespon a autres tenc moments d'ispirazion. Se pea via co la operes de carater epich-storich, ispirèdes a la reijes e a la veia usanzes fascènes per passèr dapò a odi de biot carater lirich, olache se veit i trac più spirituèi de sia personalità. Chesta carateristica se la troa ence te la poejìes de ispirazion religiousa. Tinultima l é la poejies de carater più lijier e cheles de carater patriotich.

Autor: Padre Frumenzio Ghetta de Martin

A cura de: Fabio Chiocchetti

Regoeta de poesies de don Bruno Daprà, che dasc luster a noscia cultura ladina, e che se met apede a tante autre publicazion de poec e scritores de noscia tera. L’é na rica vena poetica, coltivèda dalenc da cèsa, frut de na cernuda de vita e de na longia fila de esperienzes anter comunità parochiales desvalives che lo à vedù ascort e bon pèster tel rencurèr sia fede. Chesta piates l’é n “Inno alla vita”, da olache vegn fora sentimenc de recognoscenza envers el Creator e l’esistenza umana, che la é scì preziousa te ogne manifestazion, de grazia a la reijes de familia, a l’ambient che ge à fat da chèder ai egn che passèa e a la tropa jent scontrèda che ge à lascià n segn, n ejempie (da la paroles dantfora)

A cura de: Chiocchetti F.

Editor: Union di Ladins de Fascia - Grop ladin da Moena

ISBN: 978-88-942834-2-6

“Dò l troi de la speranza” l’é na emportanta regoeta de poejìes fascènes scrites da Tinoto Monech (Valentino dell’Antonio). La critica à recognosciù te la poejìes del Tinoto una de la oujes de maor segnificat del Nefcent ladin: so stil, che se pel recondujer al Leopardi, arbandona la metrica tradizionèla per durèr formes più ledies, che valorisea l’idiom ladin con gran musicalità de forma e gran intensità de contegnui. Chesta neva seconda verscion amplièda tol ite ence vèlch auter scrit leà a chi tempes e a chela feruscola sajon de noscia storia. L liber prejenta ence la traduzion talièna, per didèr chi che no à pratega con l lengaz.

Autor: Valentino dell’Antonio Tinòto Monech

Editor: Union di Ladins de Fascia - Grop ladin da Moena, Cassa Rurale Dolomiti

ISBN: 978-88-942834-0-2

Gùstegol libret de poejìes de Stefen Dell’Antonio Monech con apedejù i dessegnes lijieres de Sonia Cian. L se trata, desche scrif l’autor medemo, de na regoeta de “pensieres lijieres de n viajador content”, scric jù per ladin con inlongia la traduzion per talian.

Autor: Stefen Dell'Antonio con Sonia Cian

Gùstegol libret de poejìes de Stefen Dell’Antonio Monech con apedejù i dessegnes lijieres de Sonia Cian. L’autor l’à a cher la natura de l’ambient e de l’om, la massarìa e l saer da zacan.

Autor: Stefen Dell’Antonio

Regoeta de liriches di poec del “mal de ciasa” da Moena: Elsa del Vicare, Tinoto Maza, Giacomin Ganz, Berto de la Diomira. Chisc autores rejona de l’encresciadujum che i sent per chel che no é più, per chel che é mudà te sie paìsc e tel viver de vigni dì; dai scric vegn fora n fort amor per sia rejonèda, sia reìjes e per sia tera.

Editor: Grop Ladin da Moena

Regoeta de poejìes de Luciano del Garber, ló che l’autor porta dant n messaje poetich per se enstess e per sia jent scrite jù per moenat ma con apedejù la traduzion per talian e per todesch. L’autor doura retrac vives de n temp passà, recordé con encresciujum, e che vel spenjer chi che lec a no desmentièr sia reijes e sia cultura.

Raccolta di liriche di Luciano del Garber, in cui l' Autore propone un messaggio poetico indirizzato a se stesso e alla sua gente, nell'idioma ladino moenat, ma con traduzione in italiano e tedesco.
Attraverso immagini vivide di un tempo passato, rivissute con nostalgia, egli intima i lettori a non dimenticare le proprie radici e la propria cultura.

Autor: Luciano Iellici del Garber

Editor: Grop Ladin da Moena