Veste emparèr a fèr na belota tascia con l acherle?

L é tacà giusta da n meis l an 2025 e l’Union di Ladins de Fascia é jà al lurier per ge sporjer a la comunanza de bela ativitèdes, che dèsc l met de se troèr en compagnia rejonan nosc bel lengaz ladin.

La pruma scomenzadiva en program l é n gustegol cors de acherle con la joena Carlotta Pederiva Brognola, che la mosciarà co realisèr na picola belota tascia, sorida da fèr ma dalbon de gran efet, adatèda a chi che sà jà lurèr con l acherle ma ence a chi che no l à mai ciapà te man e i vel se sproèr a emparèr chesta tecnica veiora che à tacà da nef a tor ite e enteressèr persones de ogne età.

L material che serf per chest vegn enjignà da la sociazion: a chi che se enscinua ge vegnarà domanà informazions sul livel de cognoscenza de la tecnica e sui colores che se vel cerner.

L cors, che vegn endrezà ti spazies de la senta de l’Union a Sèn Jan te Ciasa de la Moniaria, l taca en mercol ai 12 de firé da mesa les 9 da sera (20:30), l perveit cater scontrèdes na outa en setemèna che jirà inant per presciapech n’ora e mesa/doi ores. L cost, che tol ite ence l material, l é de de 30 euro arbassà a 25 euro per i sozi de l’Union di Ladins.

Se pel se scriver ite enscin ai 5 de firé al numer 0462 764545, ence tras whatsapp. Ve speton!