Noscia Comunanza a Ciampedel
L’é pontà via del meis de firé n projet de colaborazion con l Comitat evenc del Comun de Ciampedel. L’à inom “Noscia Comunanza”: ogne meis sun l maxischerm aló dal piaz de paìsc vegn endrezà e moscià diapositives per slarièr fora la piroles de storia e cultura de, apontin, noscia comunanza. I messajes vegn compagné dai retrac storics touc fora dai archivies de l’Istitut cultural ladin, ma ence da chi fora de crigna de jent da Ciampedel. Nosc fascian fèsc bela parbuda compagnà da colores sćiantives e aiegres, dessema con la traduzions per talian (e per ingleis!) per prejentèr noscia comunanza a la jent de paìsc, ma ence ai ghesć!
L’Union di Ladins de Fascia fora per l meis de firé à rejona del Carnascèr, che amò anchecondì vegn portà inant con cher da la jent de Ciampedel. De mèrz l’é stat l’outa de la chiena: la vila l’é stat senta de n consorzie fora per i egn del Nefcent. Ades de oril se rejona de bàtoles… chesta setemèna sentiron sie son fora per la strèdes, i ciantons e la piazes de Ciampedel!