Ai 5 de mé, met fora ence tu la bandiera ladina (e fascèna)! Te Union te pes les ciapèr con l 25% de rebas
Chi sarèl pa mai stat l prum ladin che se à pissà de raprejentèr l popul ladin sot ai trei colores de noscia natura? Ai 5 de mé del 1920, pien de persones, ladines tel cher, les se à binà sun Jouf de Frea. Dintorn a ic, la neif sgalizenta, l ciel con n brun fon e l vert di pré i fajea da cornisc. I raprejentanc de la cinch valèdes, con chest simbol, i volea sotrissèr l’identità ladina, no respetèda tel tratat de Saint-Germain.
Ajache l’Aisciuda Ladina tol semper ite la dì di 5 de mé, festa de la bandiera dai trei colores brun, bianch e vert, che l’an passà à compì 100 egn, l’Union di Ladins de Fascia portarà dant te chesta setemèna na azion promozionèla, ge dajan l met a duc de se proveder ite a n priesc spezièl la bandiera ladina da poder meter fora ti dis de l’Aisciuda e ence più inant, per ejempie a la fin del meis de mé en ocajion del passaje del »Giro d’Italia« fossa bel veder fora l simbol de noscia jent ladina.
Podede troèr chisc dis la bandiera ladina e fascèna a n priesc rebassà del 25%
Se pel troèr duta doi la bandieres te trei mesures:
picola (50x70cm): enveze che a €12.00, podede les ciapèr a €9,00;
mesèna (100x150cm): enveze che a €20,00, podede les ciapèr €15,00;
grana (120x300cm): enveze che €60,00, podede les ciapèr €45,00.
Neva mesures!
-demò ladina- (120x200cm): enveze che €48,00, podede les ciapèr a €36,00.
