Aede numeres veies de La Veisc?

L’Union di Ladins de Fascia, do l lurier de informatisazion endrezà dal Grop Ladin da Moena per i numeres de »Nosha Jent«, che ades i é online a la leta de duc chi che vel fèr enrescides o troèr fora vèlch (noshajent.ladinsdefascia.it) la se enjigna a fèr l medemo lurier ence per i veies numeres di sfoes »La Veisc« e »La Ousc de Fascia« col contribut del Consorzie Eletrich de Poza.

Fajon apel a duc chi che aessa amò zaolà te majon, sun sotcuert o te cèvena, numeres veies de chesta revistes, se i podessa ne les portèr te la senta te Ciasa de la Moniaria a Sèn Jan. Se chi vel se n librèr, i tolon bolintiera, se enveze i li tegn su, podon fèr la scanscion de chi che ne mencia e ge i dèr de retorn. Saron contenc de sporjer vèlch per se recognoscer e chiò i enteressé i podarà troèr enveze numeres veies de La Usc di Ladins. I enteressé i pel ne chiamèr al numer 0462.764545.