Fascia -ladina- saluda l Giro!

Da mesdì passarà fora per noscia Val la raida resa del Giro d’Italia. Ziclisć, squadres e persones da dut l mond chiamèdes per garejèr sun la strèdes più maraveouses de la Èlpes. L’APT de Fascia l’à envià duc si operatores a meter fora i gadget resa del Giro, anter placac e balons.

L’Union di Ladins de Fascia à envià duta la jent de Fascia a meter fora la bandiera ladina (e fascèna) en ocajion del Giro tel chèder de l’azion “Sion ladins!". La scomenzadiva à troà ence l’aprijiament da man de la medema APT che l’à slarià fora l messaje a duc si sozi.

Sun barcons, fenestres, pic e ciantons de duta val l’é stat metù fora noscia bandiera ladina (e fascèna!). Con sodesfazion, l’é stat Comuns e privac a tor sù chesta scomenzadiva. Chest l’é dassen esser comunanza!

N gran rengraziament a duc chi che à tour pèrt!