Te la neif de la Blood Rockers Band e la ciantarines da Soraga

“Te la neif” l’é l titolare del CD de la Blood Rockers Band, n grop trentin che bina ensema dotores-musizisć che cianta de empegn sozièl e volontariat. Chest CD l’é stat prodot con la sociazion Soraga Ladin Rock. À tout pèrt a chest projet ence La Ciantarines de Soraga e la soprano Angela Chiocchetti. L cor l’é ret da Fabio Chiocchetti. L CD l’é n projet world music, ajache l fona sia reijes te la musega rock con la sonoritèdesx folk-country e tesć per ladin. I tesć i é beleche scric duc da Tone Valeruz, alpinist cognoscidor de la beleza de noscia crepes. L tòch “Set Cavalieres” de Alberta Rossi l ge é stat dedicà ai eroes de la mont, tel particolèr ai cater omegn del socors che à perdù la vita sot na levina te Val Lasties, Alessandro Dantone, Diego Perathoner, Luca Prinoth e Erwin Riz.