Per me l Segnoredie

Le cater ciantarine Melany, Martina, Sabrina e Mery endana la registrazion.

L é chest l titol de la poejia/orazion de la Veronica Zanoner del Gabana, publicada sul liber »Leam ke rekonjonc« dat fora dal Grop Ladin del 1987, che é stata metuda en musega da Fabio Chiocchetti del Goti per realisar na ciantia che ades, con le ousc de Sabrina Calligari, Melany e Mery Locatin e Martina Defrancesco de »Cianton da marevea« l é doventà ence n bel video de gra a la registrazion e produzion audio de Marco Mattia e a la fotografia e post produzion de Stefano Volcan.

L video, dat fora da l’Union di Ladins de Fascia col contribut del Comun General, sarà da poder veder ence sui canai social de l’Union e de TV Ladina, ajache l obietif l é chel de valorisar i autores ladins e i far cognoscer ence a le neve generazon.


Union Ladins de Fascia