facebook

Contìes

La aventures de Pinocchio. Contìa de n buratin"

L'opera classica per bec de Carlo Lorenzini - Collodi l'é stat traslatà te sacontenc lengac e ades ence per ladin. L'é na publicazion fata con la colaborazion de desvalives enc: l Comun general de Fascia, l'Union di Ladins de Fascia, l'Istitut Cultural Ladin Micurà de Ru (per la traduzion tel ladin de Gherdena e Badia) e de l'Istitut Cultural Ladin Cèsa de Jan (per la ladin de Fodom).

Traduzions: Sara Merighi e Donatella Dellagiacoma
  

Picole lum da Nadal

Diesc picola contìes scrites e dessegnes da Maria Teresa Fanton Crepaz da Poza, ensegnanta de todesch en penscion. Stories dassen gustégoles, per pìcoi e per gregn, leèdes al temp da Nadèl ma che à ite ence valores universèi e atuèi che va sorafora la festa religiousa.  Enjontà al liber l'é ence n Cd co la contìes letes jù a più oujes. Anter Angiolino e Salvatore l letor, ben segur, no l lasciarà de restèr maraveà...

Autore: Maria Teresa Fanton Crepaz

Chi él che à tema del varvarel?

Storia e cronaca de na tradizion e de na lejenda ladina: chest l'é l tìtol de na enrescida che Toni e Margrit cogn consegnèr a la fin del trimestre. Ma chi cognoscel vèlch de lejendes? I doi a la fin i troa na gran bela soluzion, e no i sà che colassù, anter i bosc' sora l paìsc, zachei l'é che ge cor dò...

Autor: Beatrice Masini
Traduzion: Lucia Gross

  

Contìes da Nadèl

Regoeta de 22 contìes da Nadèl scrites ti egn dal 1982 al 1986, aldò de n concors endrezà dal Comun de Poza. La scomenzadiva, timpruma resservèda ai studenc de la scoles populères de Poza e Pera e a la mesènes de Poza, del 1984 la ge é stata averta ence ai istituc di autres paìjes de la val de Fascia.

Autor: AA.VV
A cura de: Lucia Gross  e  Monica Cigolla

  

Contìes
Concorsc de letradura per scolèes e per gregn

Regoeta de curta contìes per ladin toutes cà dal Concors de letradura per scolèes e no demò, endrezà del 1998 da l'Union di Ladins de Fascia e da la sociazion culturèla "La Cort". La tol ite 23 scric de bec de la scola populèra e de la scola mesèna e ence de jent più veia, che trata argomenc desvalives, metui jù desche contìes.

Autor: AA.VV
A cura de: Lucia Gross  e  Monica Cigolla

  

L secret de Briga Andedios

An 1532: na serie de evenc misteriousc e de morts da fèr spaent i met sotessora fora de n bel nia l convent di frati franzeschegn de la zità di Chambéry, olache, te la Sainte Chapelle, vegn conservà da passa 50 egn la Sènta Sindone. N frate, ruà aló ensema a l'armèda vegnuda de retorn da la crojèda fata contra i eretics valdeisc, l scomenza a cerir e enrescir, fin a descorir l paurous secret sconet tedò la terìbola rodèna de oror, perdizion e sanch, che fona sia reijes te culc misteriuosc de tempes s-ciantives.

Autor: Andrea Robbiani e Marco Scandolaro
Traduzion: Nadia Valeruz

  

La storia vera del Drach de Dona 

Contìa mitologica-fantastica. Con chest pìcol liber l'Istitut Cultural Ladin, en colaborazion co l'Union di Ladins de Fascia, inauda la neva colèna de libres de contìes "L Dragonzel", dedichèda a la letradura ladina d'aldidanché. L'autor, Piere del Polver (nesciugn sà dalbon chi che sie), l conta a na vida pizochenta e direta la vera storia de sie amich, l Drach Maht-urg, fort ma valent, sìmbol de l'onestà, de la giustizia e del respet per la natura.

Autor: Piere dal Polver

  

Misteres

Regoeta de contìes fantastiches per bec, olache l pian del reèl se encroja con chel del fegurabol, fajan nascer entorn al letor na dimenjion perturbanta.

Autor: Sofia Brigadoi
Traduzion: Alberta Rossi e Rosanna March

  

Te n'outa demò

L'é n viac intimist ti troes de l'ènema sensibola e piena de amor de l'autor. Amor per la vita samben e per la tera ladina dit sot ousc, béleche fajan acort tel biteboi de anchecondì... lò che no se sin veit mai assà. "Se te n'outa demò fossane bogn de esser, de viver, sentir, scutèr, lejer tel fon de chel che la Natura à scrit de sé enstessa con letres de òr, de Amor te noetres..."

Autor: Stefen Dell'Antonio Monech

Scrivete ite a noscia newsletter.

enscinuete descancelete
Privacy
ladinoitaliano

Union di Ladins de Fascia - Strada Dolomites, 22 - 38039 Vich/Vigo di Fassa (TN) - tel. / fax +39 0462 764545 - union@ladinsdefascia.it - Privacy