facebook

N bel don ladin!

Ence sot la festes ve speton te noscia senta a Sèn Jan per renovèr l’abonament a La Usc di Ladins e la tessera de l’Union, o ve proveder n bel don ladin per Nadèl

Se arvejina l temp de Nadèl e ence te noscia redazion faron mìngol de festa. Chisc dis che vegn enjignaron l’ùltim numer per l’an 2017 de La Usc di Ladins, che la ruarà en vender ai 22. L numer di 29 de dezember l sauta, ma saron endò te voscia majons, con duta la neves da la Ladinia, en vender ai 5 de jené.

Noscia senta te strèda Dolomites 22 a Sèn Jan restarà averta dut l dì enscin ai 20 de dezember, dapò la sarà averta demò inant mesdì da les 10 a les 12 ti dis no festives de dezember: ai 21, ai 22, ai 27, ai 28 e ai 29. Con en mèrtesc ai 2 de jené l’ofize sarà endò avert a temp pien.

Ve speton donca: podede renovèr l’abonament a La Usc di Ladins per l’an 2018 zenza paèr comiscions, podede renovèr la tessera de l’Union di Ladins de Fascia, che ve dèsc l derit de aer n rebas sun duta noscia publicazions e podede ence troèr de bie libres o CD per fèr n don ladin per chest Nadèl.

 

“Pinocchio” sot l’èlber

Te nosc ofize podede troèr ence l’ùltima neva: l liber “La aventures de Pinocchio. Contìa de n buratin” scrit per fascian e con de bie dessegnes. Apede chest, n muie de etres libres, desche “Pìcole lum da Nadal”, “Mia pruma paroles”, o amò CD e DVD per ladin, sarà per chesta ocajion a priesc rebassé dal 20 al 50% e ve sporjaron ence n pìcol don.

No ve lascià sciampèr l’ocajion, perché n don ladin vegn dal cher!

  

ladinoitaliano

Union di Ladins de Fascia - Strada Dolomites, 22 - 38039 Vich/Vigo di Fassa (TN) - tel. / fax +39 0462 764545 - union@ladinsdefascia.it - Privacy