facebook

Festa del Rengraziament 2017

L’Union di Ladins de Fascia à l piajer de Ve envièr a la Festa del Rengraziament de chest an a Moena

Desche ogne an l’Union di Ladins de Fascia endreza la seconda domenia de otober sia tradizionèla Festa del Rengraziament.

 

L tem de chesta festa vel esser semper na ocajion per ge sporjer n detelpai a chi che fèsc vèlch de emportant te la comunanza, ma ence na ocajion de riflescion. L’argoment portà dant chest an l’é:

 

“Ladin e mass media. Besegn o capriz?”

 

Chest tem vegnarà dejout te na meisa torona

en sabeda ai 7 de otober, da les 4 domesdì

te sala “Simonin Chiocchetti Maza” de la scoles de Moena.

 

La festa jirà inant con l moment zentrèl e tradizionèl de la defilèda e la messa l dì dò

 

en domenia ai 8 de otober a Moena

 

con chest program:

-     da les 9.00 se se troa te piaz de Sotegrava

-     defilèda con la Musega da Moena e i Gropes de Folclor, passan per Piaz de Ramon, L Vial e Strada Löwy, fin te gejia de Sèn Vile

-     da les 10.00 messa grana ofizièda da don Enrico Conci

-     dò messa sona la Musega da Moena e vegn portà dant i intervenc de salut

-     pìcol mezmesdì per duc

 

 

L'Union di Ladins de Fascia ve envìa de cher a tor pèrt a la Festa del Rengraziament

 

Speran de Ve aer apede te chesta ocajion, Ve sporjon n bel develpai dantfora e de bie saluc

 

 

 

L President de L'Union de Ladins de Fascia

Fernando Brunel

Scrivete ite a noscia newsletter.

enscinuete descancelete
Privacy
ladinoitaliano

Union di Ladins de Fascia - Strada Dolomites, 22 - 38039 Vich/Vigo di Fassa (TN) - tel. / fax +39 0462 764545 - union@ladinsdefascia.it - Privacy