facebook

Pelegrinaje da Sèn Giosef Freinademetz

L’Union di Ladins de Fascia ve envìa de cher al Pelegrinaje da Sèn Giosef Freinademetz a Oies, te la Val Badia en sabeda ai 30 de setember 2017

 

 

Jà a vèlch an l’Union Generèla di Ladins dla Dolomites, ensema con la desvaliva Unions de valèda, met a jir vigni an a la fin de setember l pelegrinaje dal soul sènt ladin: Giosef Freinademetz da Oies.

 

Chest an l’endrez ge pervegn proprio a l’Union di Ladins de Fascia, e la messa grana tel santuarie de Oies sarà conzelebrèda dal decan de Fascia don Mario Bravin e viventèda dal Cor de gejia de Soraga, vidà da Franco Pellegrin, e renforzà ence da vèlch ciantor de etres cores de gejia de noscia val.

 

Program:

- da les 14.30: se se bina ló da la gejia de Badia - Sèn Linert per l benvegnù a duc i pelegrins

- da les 15.00: se pea via per jir envers Oies sul troi de la Via Crucis

- da les 16.00: vegn ofizià la sènta messa ladina te gejia de Oies

- dò messa se podarà veder la cèsa del Sènt e vegnarà endrezà n pìcol marendel per duc

 

L’Union di Ladins de Fascia met a la leta na coriera che pearà via da les 12.00 da Moena e la passarà fora duta la val tolan sù i enscinué. Dò aer fermà a Badia, la coriera jirà al Santuarie e chi che no se sent de fèr la Via Crucis a pe i podarà jir su monté.

 

Per se emprevaler del trasport organisà, ge vel se scriver ite a l’Union di Ladins de Fascia, te strada Dolomites 22 a Sèn Jan, ence per telefon al numer 0462.764545 o per mail a union@ladinsdefascia.it, al più tèrt en mercol ai 27 de setember.

 

 

Speran de Ve aer apede te chesta ocajion, Ve sporjon n bel develpai dantfora e de bie saluc

 

 

L President de L'Union de Ladins de Fascia

Fernando Brunel

 

 

Scrivete ite a noscia newsletter.

enscinuete descancelete
Privacy
ladinoitaliano

Union di Ladins de Fascia - Strada Dolomites, 22 - 38039 Vich/Vigo di Fassa (TN) - tel. / fax +39 0462 764545 - union@ladinsdefascia.it - Privacy