facebook

Terzo sluch tel bosch

Fèjel più rumor n èlber che sauta jù o n bosch che cresc?

L’Union di Ladins de Fascia met a jir anché, vender ai 16 de jugn, l terzo apuntament con la scomenzadives de cultura en compagnìa “Sluch ladin”.

Dò la doi scontrèdes dedichèdes a la geologìa e a la letradura, chest’outa la proponeta é dedichèda a l’ambient e al bosch, semper desfrutan la competenzes de un di conseieres de la sociazion: Celso Rizzi.

L program perveit de se troèr da les 17.15 aló dal tendon de la manifestazions de Vich (visavì l’Hotel Vael) per jir a se fèr na picola raida sorida fin a ruèr aló da la gejia de Sent’Ugèna e dò troi descorir vèlch de enteressant sul bosch, i èlbres, la besties che cresc e vif dintornvìa. Co se fèjel a saer se n bosch l’é joen o veie e veior? O a recognoscer i rechiames de desvalives ucìe? Che fèjel l spion dal bosch e che sozedel se ne rua te auto n capriol o n cerf? Mingol de curiosità... e se volede saer ence vo... vegnì! La scomenzadiva é averta a duc zenza nesciun paament.



Scrivete ite a noscia newsletter.

enscinuete descancelete
Privacy
ladinoitaliano

Union di Ladins de Fascia - Strada Dolomites, 22 - 38039 Vich/Vigo di Fassa (TN) - tel. / fax +39 0462 764545 - union@ladinsdefascia.it - Privacy