facebook

L’Union di Ladins renova l Consei

Ai 18 de firé vegn endrezà la radunanza generèla de la sociazion, con la prejentazion del nef numer de l’Almanach e la litazions: l president Fernando Brunel auza fora l’envit a se meter a al leta

En sabeda ai 18 de firé da les 17.00 te sala del Consei de Comun de Poza l’é stat chiamà ite la radunanza generèla de l’Union di Ladins de Fascia, n moment olache la sociazion fascèna vel se fèr cognoscer da la comunanza, portèr dant sia atività e fèr vèlch riflescion su la situazion di ladins.

La radunanza l’é ence na ocajion piajégola de enconter per i sozi, che i pel portèr dant osservazions e proponetes, renovèr l tesserament e se tor vèlch publicazion a condizions spezièles.

Renovament del Consei

Chest an la radunanza de l’Union di Ladins de Fascia l’à amò maor emportanza, ajache l’é en program ence la litazions per l renovament de la encèries di conseieres e del president, che à regnèda trei egn. Del Consei fèsc pèrt 21 Conseieres, che cogn raprejentèr duc i paìjes de la val, e de derit tol pèrt ence l president onorarie Antone Polam e l president del Grop Ladin da Moena.

Duc chi che à a cher l lengaz e la cultura ladina e vel se dèr jù per l ben de sia tera e sia tradizions, i pel fèr o renovèr l’adejion a l’Union

e se meter a la leta per fèr pèrt del nef Consei, portan coscita pareres e proponetes su l’atività de la sociazion.

Salut ai joegn, atività e intervenc

Tirèr ite joegn che posse portèr neva idees l’é un di obietives maores per na sociazion che vel vardèr inant. Chest an ge vegn sport n envit particolèr a tor pèrt a la Radunanza ai joegn che à abù l met de se arvejinèr a la cultura ladina. A ge dèr l benvegnù sarà l president de onor de l’Union di Ladins e president de l’Istitut Cultural Antone Pollam. Dapò l president Fernando Brunel prejentarà en curt l’atività de la sociazion e con i raprejentanc istituzionèi sarà l met de rejonèr de vèlch neva emportanta per i ladins ence a livel legislatif.

L’Almanach 2016

L’é ruà a la quinta edizion l gustégol Almanach che ogne an sporc la regoeta de fac e curiositèdes de l’an giusta fenì, per fèr memoria, emparèr roba neves e se fèr ence de bela grignèdes.

Apede a l’argoment maor del meis, con la patofies feruscoles de Manuel Riz, troon ence chest an vigni meis la “piroles” sui avenimenc mendres e npersonaje ladin da cognoscer miec. Apede chest aon volù ence te chesta edizion ge lascèr lèrga a n tem enteressant leà a noscia tera, e chest’outa troon la piates dedichèdes ai ortames che podon coltivèr a na vida sèna ence te noscia val, coi consees de l’Azienda Agricola Soreie de gra a la colaborazion de Sebastian Ghetta con sia femena Laura e sia sor Stephanie, che l’à rencurà ence la grafica.

Cianties ladines con Elena Favè e Marco Mattia

La Radunanza sarà viventèda da la cianties ladines de la brava ciantarina da Ciampestrin Elena Favè e del musizist da Vich Marco Mattia, che i à enjignà aposta per chesta ocajion ence vèlch bela neva. A la fin no menciarà mìngol de marendel per duc. Duc é envié de cher a tor pèrt a la Radunanza. L’Almanach ge vegnarà sport a duc i sozi de l’Union e i aboné de La Usc di Ladins che à paà ite per l’an 2017. Se pel fèr o renovèr l’abonament e l tesserament, se meter a la leta per l Consei o domanèr de autra informazions te senta de l’Union a Sèn Jan, (str. Dolomites 22, tel. 0462.764545) o ence diretamenter endèna la radunanza.

   

   

 

Festa d'uton de l'Union di Ladins a Moena

L’Union di Ladins ge sporc sie develpai a chi che se dèsc jù te l’informazion per ladin...

Festa del Rengraziament 2017

L’Union di Ladins de Fascia à l piajer de Ve envièr a la Festa del Rengraziament de chest an a Moena...

L’é vegnù fora l nef numer de “gana”!

En vender prum de setember l nef numer de “gana”, la revista de la eles ladines, é stat prejentà en antepruma a la sozies e i sozi de la sociazion “gana” te n domesdì gustégol e informal a Pera, te Fascia....

N cuer per la Festa dla Unité Ladina

En sabeda ai 15 de messel da les 17.00 a Corvara la manifestazion daurida a duc chi che à a cuer la cossa ladina. La Union Generela di Ladins ti sourandà l reconesciment de merit a comembres de onour...

Festa de l'Unità Ladina 2017

En sabeda ai 15 de messèl a Corvara...

L’Union ve envìa a... n sluch de cultura!

Tel prum apuntament, en vender ai 12 de mé da les 17.15 sun Fedaa, se rejona de geologìa, Marmolèda e minerai...

Fernando Brunel confermà president de l’Union di Ladins

L Consei dut a una ge à renovà la stima. L corirà l’encèria per etres trei egn...

L’Union di Ladins renova l Consei

Ai 18 de firé vegn endrezà la radunanza generèla de la sociazion, con la prejentazion del nef numer de l’Almanach e la litazions: l president Fernando Brunel auza fora l’envit a se meter a al leta...

SUNS Ladinia 2016: gran conzert a Moena

En sabeda ai 19 de november l teater Navalge dèsc alberch al Festival internazionèl de la cianzon de mendranza...

Preon te nosc lengaz

La festa del Rengraziament se aur insnet, vender ai 7 a Vich te Oratorie con la meisa torona sul ladin te la liturgìa. En domenia ai 9 messa grana a Cianacei e benediscion del nef Orazional...

Festa del Rengraziament 2016

“Preon per nosc lengaz" En domenia ai 9 de otober - prejentazion Orazional...

3° Simposie de scultura Toni Gross - Poza

Dai 5 ai 10 de setember del 2016 Poza ge dèsc alberch a la 3^ edizion del simposie internazional de scultura tel legn en memoria de Toni Gross, artist, maester e alpinist....

III Simposie Toni Gross: l’é beleche ora!

Dai 5 ai 10 de setember l zenter de Poza doventarà endò n laboratorie artistich a l’averta con zipiadores che se confrontarà luran fora na opera sul tem “L mond ladin tel patrimonie Unesco”...

Declarazion de l'Union Generela per la reforma al Statut de autonomia de la Region

Declarazion de l'Union Generela di Ladins dla Dolomites (UGDL) en cont dla revijion del Statut de la Region Trentin-Sudtirol...

Scrivete ite a noscia newsletter.

enscinuete descancelete
Privacy
ladinoitaliano

Union di Ladins de Fascia - Strada Dolomites, 22 - 38039 Vich/Vigo di Fassa (TN) - tel. / fax +39 0462 764545 - union@ladinsdefascia.it - Privacy